- ئالما شىركىتى خىتايغا تايىنىشنى ئازايتىشقا قاراپ ماڭماقتا
- مۇھەممەد ئەمىن بۇغرانى خاتىرىلەش خەلقئارالىق ئىلمىي مۇھاكىمە يىغىنى ئۆتكۈزۈلدى
- خەلقئارا تۈرك تىلى ئائىلىسى بايرىمىدا ئۇيغۇرلارنىڭ تۆھپىسى ئالاھىدە تىلغا ئېلىندى
- مارمارا ئۇنىۋېرسىتېتىدا ئۇيغۇر كۈلتۈرى تونۇشتۇرۇلدى
- بالىكەسىردە شەرقىي تۈركىستان ھەققىدە بىر يۈرۈش پائالىيەت ئۆتكۈزۈلدى
- خىتاي ئەمەلدارلىرىغا زەربە بېرىدىغان قانۇن لايىھەسى ئوتتۇرىغا قويۇلدى
- بەش دۆلەت ھالقىلىق تەمىنلەش زەنجىرى ھەققىدە ئىتتىپاق قۇردى
- شەرقىي تۈركىستاندا غايەت زور بۇلۇت ھېسابلاش مەركىزى قۇرۇش خىتاينىڭ قارا نىيىتىنى كۆرسىتىپ بەرمەكتە
- مېكسىكا پارلامېنتى خىتاي ماللىرىغا تاموژنا بېجىنى كۆپەيتىش قانۇن لايىھەسىنى ماقۇللىدى
- خىتاي ئاققۇنلىرى ھەقسىز ئۆي قاتارلىق تەمىناتلار بىلەن شەرقىي تۈركىستانغا چاقىرىلماقتا
ئالما شىركىتى خىتايغا تايىنىشنى ئازايتىشقا قاراپ ماڭماقتا
ئالما شىركىتى تەمىنلەش زەنجىرىنى خىتاي سىرتىغا يۆتكەش ئىستراتېگىيەسىگە ئاساسەن، يېرىم ئۆتكۈزگۈچ ساھەسىدە دىققەت تارتىدىغان بىر قەدەم تاشلاشقا تەييارلانماقتا.
ئىقتىساد ۋاقىت گېزىتىنىڭ خەۋىرىگە ئاساسلانغاندا، ئالما شىركىتى ئايفون ئۆزەكلىرىنى قاپلاش ۋە قۇراشتۇرۇش ئۈچۈن، ھىندىستاندىكى ئۆزەك ئىشلەپچىقارغۇچىلار بىلەن دەسلەپكى قەدەمدە ئالاقە ئورناتقان.
بۇ ھەقتىكى سۆھبەتلەر مۇرۇگاپا گۇرۇھى قارمىقىدىكى «CG Semi» شىركىتى بىلەن ئۆتكۈزۈلۈۋاتقان بولۇپ، بۇ قەدەم ئالما شىركىتىنىڭ ئۆز تارىخىدا تۇنجى قېتىم ھىندىستاندا ئۆزەك قاپلاش، قۇراشتۇرۇش جەريانلىرىنى باھالىغانلىقىدىن دېرەك بېرىدىكەن.
خەۋەردە «CG Semi» شىركىتىنىڭ گۇجارات ئىشتاتىدا بىر قاپلاش، قۇراشتۇرۇش زاۋۇتى قۇرۇۋاتقانلىق ئۇچۇرى ھەمبەھرىلەنگەن. نۆۋەتتە قايسى ئۆزەكلەرنىڭ بۇ زاۋۇتتا قۇراشتۇرۇلىدىغانلىقى تېخى ئېنىق بولمىسىمۇ، ئەمما ئاساسلىقى ئېكرانغا مۇناسىۋەتلىك ئۆزەكلەر ئىكەنلىكى بايان قىلىنماقتا.
رويتېرس ئاگېنتلىقى خەۋەرنىڭ مۇستەقىل مەنبەلەر تەرىپىدىن دەلىللەنمىگەنلىكىنى ئىلاۋە ئالغان. ئالما ۋە «CG Semi» شىركىتى بۇ مەسىلە ھەققىدە رەسمىي بايانات بەرمىگەن بولسىمۇ، «CG Semi» شىركىتى گېزىتكە بەرگەن جاۋابىدا: «بىز بازاردىكى پەرەزلەر ياكى ئالاھىدە خېرىدارلار بىلەن ئۆتكۈزۈلۈۋاتقان سۆھبەتلەر توغرىسىدا پىكىر بايان قىلمايمىز. ئېنىق تەرەققىياتلار بولغان تەقدىردە، زۆرۈر بولغان ئۇچۇرلارنى بېرىمىز» دېگەن.
ئالما شىركىتىنىڭ پىلانى بۇنىڭ بىلەنلا چەكلەنمەيدىغان بولۇپ، شىركەت 2026-يىلىنىڭ ئاخىرىغىچە ئامېرىكىدا سېتىلىدىغان ئايفونلارنىڭ زور بىر قىسمىنى ھىندىستاندىكى زاۋۇتلاردا ئىشلەپچىقىرىشنى پىلانلىماقتا. بۇ ئىستراتېگىيە خىتاي مەنبەلىك تەمىنلەش خەتەرلىرىگە ۋە كۈنسېرى كۈچىيىۋاتقان سودا سۈركىلىشلىرىگە قارىتا بىر ئالدىنى ئېلىش تەدبىرى سۈپىتىدە گەۋدىلەنمەكتە.
ئامېرىكا ھۆكۈمىتى ئاپرېل ئېيىدا ھىندىستاندىن كىرىدىغان ماللاردىن %26 تاموژنا بېجى ئالغان بولسا، خىتاي ماللىرىغا قويۇلغان باج نىسبىتى %100 دىن ئېشىپ كەتكەنىدى. ئەينى ۋاقىتتا ئامېرىكا خىتايدىن باشقا نۇرغۇن دۆلەتلەرگە قارىتىلغان قوشۇمچە باجلارنى ئۈچ ئاي توختىتىپ قويغانىدى. بۇ تەرەققىياتلار ئالما شىركىتىنىڭ ھىندىستاننى مەركەز قىلغان ئىشلەپچىقىرىش پىلانلىرىنى تېخىمۇ تېزلەتكەن.
تەييارلىغۇچى: ئى. ئۆتكۈر