- تۈركىيە خىتاينىڭ تور سودا سۇپىلىرىغا زەربە ھېسابلىنىدىغان قارار ئېلان قىلدى
- ئۇيغۇر ئوقۇغۇچى كامىلە ۋاھىتنىڭ جازا مۇددىتى توشۇپ قويۇپ بېرىلگەن
- خىتاي ئەلچىخانىسى «تۇغقان يوقلاش ئۆمىكى»نى قانداق تەشكىللىدى؟
- خىتاينىڭ تۈركىيەدىكى ئۇيغۇرلاردىن «تۇغقان يوقلاش ئۆمىكى» تەشكىللىشى ئۆز جىنايىتىنى پاش قىلدى
- قىرغىزىستاننىڭ يۇقىرى دەرىجىلىك ئەمەلدارى خىتاي ۋەكىلىنى نومۇسقا قويدى
- خىتاي جاسۇسلىرىنىڭ ئىستانبۇلدىكى ھەرىكەتلىرى خەلقنىڭ كۆزىدىن قېچىپ قۇتۇلالمىدى
- ياپونىيە تۈركىيەنىڭ ئايروپىلانلىرى بىلەن خىتايدىن مۇداپىئەلىنىشنى پىلانلىماقتا
- تەيۋەن: تىنچلىق كۈچ بىلەن قولغا كېلىدۇ
- ياپونىيە پارلامېنت ئەزاسىنىڭ سۆزلىرى خىتاينى ئوسال ئەھۋالغا چۈشۈرۈپ قويدى
- مېتا شىركىتى خىتاينىڭ سۈنئىي ئەقىل شىركىتىنى سېتىۋالدى
ئۇيغۇر ئوقۇغۇچى كامىلە ۋاھىتنىڭ جازا مۇددىتى توشۇپ قويۇپ بېرىلگەن
بۇندىن ئۈچ يىل ئىلگىرى ئۈرۈمچىدىكى ئوتتا كۆيدۈرۈپ ئۆلتۈرۈش پاجىئەسىگە ئالاقىدار نارازىلىقلارنى ھەمبەھرىلىگەنلىكى ئۈچۈن، خىتاي تەرىپىدىن ئۈچ يىللىق قاماق جازاسىغا ھۆكۈم قىلىنغان ئۇيغۇر قىز كامىلە ۋاھىتنىڭ ناھەق جازا مۇددىتى توشۇپ، قويۇپ بېرىلگەن.
خەلقئارا كەچۈرۈم تەشكىلاتى 6-يانۋار X ھېسابىدا ئېلان قىلغان ئۇچۇرلاردىن مەلۇم بولۇشىچە، خېنەن ئۆلكىسىدىكى شاڭجۇ تېخنولوگىيە ئىنستىتۇتىنىڭ ئۇيغۇر ئوقۇغۇچىسى، 2022-يىلى 12-ئايدا ئۈچ يىللىق قاماق جازاسىغا ھۆكۈم قىلىنغان كامىلە ۋاھىتنىڭ جازا مۇددىتى توشۇپ قويۇپ بېرىلگەن.
ئەينى ۋاقىتتا كامىلە ۋاھىت 19 ياشتا بولۇپ، 2022-يىلى 24-نويابىر ئۈرۈمچىدىكى ئۇيغۇرلار ئولتۇرۇشلۇق بىر ئاھالىلەر بىناسىدا يۈز بەرگەن، خىتاينىڭ قۇتقۇزۇشنى قەستەن كېچىكتۈرۈشى سەۋەبلىك 50 كە يېقىن ئۇيغۇرنىڭ جېنىغا زامىن بولغان ئوت پاجىئەسىگە ئالاقىدار نارازىلىقلارنى خىتاينىڭ ئىجتىمائىي ئالاقە ۋاسىتىلىرىدە ھەمبەھرىلىگەن. ئۇ قىشلىق تەتىلدە يۇرتىغا قايتقاندا خىتاي تەرىپىدىن قولغا ئېلىنىپ، «رادىكاللىقنى تەشۋىق قىلىش» باھانىسى بىلەن ئۈچ يىللىق قاماق جازاسىغا ھۆكۈم قىلىنغانىدى.
ئۈچ يىلدىن بۇيان خەلقئارا كەچۈرۈم تەشكىلاتى ۋە باشقا ئىنسان ھەقلىرى تەشكىلاتلىرى، پائالىيەتچىلەر كامىلە ۋاھىتنىڭ قۇتۇلۇشى ئۈچۈن، خەلقئارا جەمئىيەتكە كۆپ قېتىم چاقىرىق قىلغانىدى.
نۆۋەتتە شەرقىي تۈركىستاندا داۋاملىشىۋاتقان ئىرقىي قىرغىنچىلىق ۋە خىتاينىڭ ئۆزىگە قارشى چىققۇچىلارنى بىر ئۆمۈر «قارا تىزىملىك»كە تىقىش، نازارەت قىلىش، تەكرار باستۇرۇشتەك ۋەھشىيانە ئادىتىنى كۆزدە تۇتقاندا، كامىلە ۋاھىتنىڭ كېيىنكى تەقدىرى يەنىلا خەتەر ۋە مۈجمەللىك ئىچىدە تۇرماقتا.