- ئوتتۇرا ئافرىقا جۇمھۇرىيىتى خىتاي كانچىلىق شىركىتىنىڭ تىجارىتىنى توختاتتى
- ئۇيغۇرلار ھەققىدە ئۇچۇر توپلىغان ھەر بىر جاسۇسقا 72 يىللىق قاماق جازاسى تەلەپ قىلىندى
- كۇچا شەھىرى بىلەن لوپنۇر ناھىيەسىدە يەر تەۋرىدى
- 2024-يىلى 6-ئاينىڭ 10-كۈنىدىكى مۇھىم خەۋەر
- ئىستانبۇلدا «ياش پائالىيەتچىلەر نېمە دەيدۇ؟» تېمىسىدا يىغىلىش ئۆتكۈزۈلدى
- يەنە بىر قىسقا سىن ئىرقىي قىرغىنچىلىقنىڭ داۋاملىشىۋاتقانلىقىنى كۆرسىتىپ بەردى
- تۈركىيە خىتايدىن ئىمپورت قىلىنغان ئاپتوموبىللارغا %40 قوشۇمچە باج قويۇشنى قارار قىلدى
- ياپونىيە خىتاينىڭ تاجاۋۇزچىلىق ھەرىكىتىگە نارازىلىق بىلدۈردى
- سابىق ھەربىي خادىملار خىتاي ئارمىيەسىنى مەشىقلەندۈرمەسلىك ھەققىدە ئاگاھلاندۇرۇلدى
- مىللىي تەنتەربىيە كۈلتۈر فېستىۋالىدا ئۇيغۇر مەدەنىيىتى تونۇشتۇرۇلدى
خىتاي ۋابا مەزگىلىدە نومۇسسىزلىقىنى يەنە بىر قېتىم ئاشكارىلىدى
خىتاي ۋابا مەزگىلىدە نومۇسسىزلىقىنى يەنە بىر قېتىم ئاشكارىلىدى
خىتاينىڭ ئەقلىي مۈلۈك ئوغرىلاش قىلمىشلىرى نەچچە ئون يىلدىن بۇيان خەلقئارانىڭ تەنقىدىگە ئۇچراپ كەلگەن بولسىمۇ، خىتاي بۇ قىلمىشىدىن قىلچە ۋاز كەچمىگەن.
يېقىندا ئامېرىكىنىڭ گىلېئاد (GILEAD) ئىلىم-پەن شىركىتى تەتقىق قىلىپ چىققان رېمدېسىۋىر (Remdesivir) ناملىق دورا ئامېرىكىدىكى ۋۇخەن ۋىرۇسى بىلەن يۇقۇملانغان بىر كىشىگە ئىشلىتىلىپ، ئۈنۈمى كۆرۈلگەن. بۇ سەۋەبلىك مەزكۇر شىركەت بۇ دورىنى خىتاينىڭ سىناق تەرىقىسىدە ئىشلىتىشى ئۈچۈن ھەقسىز تەمىنلىگەن. ئەمما ئويلىمىغان يەردىن ۋۇخەن ۋىرۇس تەتقىقات مەركىزى ۋە خىتاي ھەربىي قىسىم تېببىي پەنلەر ئاكادېمىيەسى تېزلىكتە بۇ دورىنىڭ پاتېنت ھوقۇقىغا ئىلتىماس سۇنىۋالغان.
مەزكۇر دورا ۋىرۇسقا قارشى دورا بولۇپ، ئەسلىدە ئېبولا ۋىرۇسىنى داۋالاشتا ئىشلىتىلگەن. ھازىرمۇ تەتقىقات باسقۇچىدا بولغاچقا، ھېچقايسى دۆلەتتە تېخى رەسمىي تەستىقلانمىغان.
خىتاي تەتقىقاچىلىرى بۇ دورىنىڭ ۋۇخەن ۋىرۇسىنى داۋالاشتا ئىشلىتىلىشى ھەققىدىكى پاتېنت ھوقۇقىغا ئىلتىماس سۇنغان بولۇپ، رەسمىي تەستىقلىنىشىغا بىر يىلدىن ئارتۇق ۋاقىت كېتىدىكەن. ئەگەر تەستىقتىن ئۆتسە مەزكۇر دورىنىڭ ئەسلى ئىگىسى بولغان گىلېئاد شىركىتى خىتايدا بۇ دورىسىنى سېتىش ئۈچۈن زور مىقداردا پاتېنت ھەققى تاپشۇرىدىكەن.
خىتاينىڭ ئالاقىدار شەخسلىرى بۇ ھەقتە توختىلىپ، دۆلەت مەنپەئەتىنى كۆزدە تۇتقانلىقى ئۈچۈن مۇشۇنداق قىلغانلىقىنى، مەيلى تەستىقلانسۇن، تەستىقلانمىسۇن، ئۆزلىرىنىڭ تۇنجى بولۇپ پاتېنتقا ئىلتىماس سۇنۇش ھوقۇقىغا ئېرىشىۋالغانلىقىنى بىلدۈرگەن.