- گېرمانىيە بىلەن خىتاي ئاپتوموبىل سانلىق مەلۇماتلىرىنى ئورتاقلىشىش كېلىشىمى ئىمزالىدى
- ياپونىيە: خىتاي، شىمالىي كورىيە ۋە رۇسىيە ئىككىنچى دۇنيا ئۇرۇشىدىن بۇيانقى ئەڭ ئېغىر تەھدىت
- شەرقىي تۈركىستاندىكى قاتتىق تەقىب ئىزچىل داۋام قىلماقتا
- قىرغىزىستان خىتاي ئەپ دېتالى TikTok نى رەسمىي چەكلىدى
- تۈركىيە يەرلىك سايلىمىدىن كېيىن پارلامېنت ئەزالىرىنىڭ سانىدا ئۆزگىرىش بولدى
- ئامېرىكا خىتاينىڭ تۆكمە قىلىپ سېتىشىغا قارشى تەدبىر ئېلان قىلدى
- ئاۋسترالىيە خىتاينىڭ تەھدىتىگە قارشى ھەربىي خىراجەتنى كۆپەيتتى
- خىتاي ئاتالمىش «جۇڭخۇا مىللىتى ئورتاق گەۋدىسى ئېڭى»نى قايتا تەكىتلىدى
- مالايشىيا پالاتا ئەزاسى تەشكىلاتلار بىرلىكىنى زىيارەت قىلدى
- ئامېرىكا پارلامېنتىدا ئۇيغۇر دوستلۇق گۇرۇپپىسى قۇرۇلدى
يېڭى نەسىل ھەرىكىتى بىلەن تەنتەربىيە جەمئىيىتى ئەنقەرەدە زىيارەتتە بولدى
شەرقىي تۈركىستان يېڭى نەسىل ھەرىكىتى بىلەن شەرقىي تۈركىستان تەنتەربىيە ۋە تەرەققىيات جەمئىيىتى ئەزالىرىدىن تەشكىللەنگەن بىر ھەيئەت 15-سېنتەبىر ئەنقەرەدە بىر قاتار زىيارەتلەردە بولدى.
ھەيئەت ئالدى بىلەن خەلقئارا شەرقىي تۈركىستان تەشكىلاتلار بىرلىكىنىڭ ئەنقەرەدىكى ئىشخانىسى ۋە شەرقىي تۈركىستان مەدەنىيەت مەركىزىنى زىيارەت قىلغاندىن كېيىن، ئەنقەرە ئۈلكۈ ئوجاقلىرى باش مەركىزىنى زىيارەت قىلغان. ھەيئەتنى ئۈلكۈ ئوجاقلىرىنىڭ مۇئاۋىن رەئىسى دېنىز گۈزەلئاي ئىشخانىسىدا كۈتۈۋالغان. ھەيئەت دېنىز گۈزەلئاي ئەپەندىگە شەرقىي تۈركىستاننىڭ نۆۋەتتىكى ۋەزىيىتىنى تونۇشتۇرغان ھەمدە ئۆزلىرىنىڭ شەرقىي تۈركىستان دەۋاسىدىكى كەلگۈسى پىلانلىرى ۋە خىزمەتلىرى ھەققىدە سۆھبەتلەشكەن.
ھەيئەت ئارقىدىن يەنە ئىراق تۈركمەن فىرونتىنىڭ ئەنقەرەدە تۇرۇشلۇق مەركىزىنى زىيارەت قىلغان بولۇپ، ھەيئەتنى تەشكىلات رەئىسى فىراس ئاگائوغلى ئىشخانىسىدا كۈتۈۋالغان.
ھەيئەت زىيارەت جەريانىدا فىراس ئاگائوغلى بىلەن نۆۋەتتىكى شەرقىي تۈركىستان مەسىلىسى ۋە تۈركمەنلەر مەسىلىسى ھەققىدە پىكىر ئالماشتۇرغان. زىيارەت ئاخىرىدا فىراس ئاگائوغلى ھەيئەتكە تۈركمەن بايرىقى ۋە «ئىراقتىكى تۈركمەنلەر رېئاللىقى» ناملىق كىتابنى تەقدىم قىلغان.