- ئامېرىكا تاشقى ئىشلار مىنىستىرى خىتاي زىيارىتىنى باشلىدى
- خىتاينىڭ گۇاڭدۇڭ ئۆلكىسىدە ئېغىر كەلكۈن ئاپىتى يۈز بەردى
- ياۋروپا پارلامېنتى مەجبۇرىي ئەمگەك مەھسۇلاتلىرىنى چەكلەش نىزامىنى تەستىقلىدى
- خىتاي مۇداپىئە مىنىستىرلىقى ئۇچۇر ياردەمچى قىسمى قۇرغانلىقىنى ئېلان قىلدى
- گېرمانىيە ئەمەلدارى: خىتاي بىخەتەرلىكىمىزگە تەھدىت
- ئىككى ئەنگلىيە پۇقراسى خىتايغا جاسۇسلۇق قىلىش بىلەن ئەيىبلەندى
- يىللىق دوكلات: خىتاي شەرقىي تۈركىستاندا ئىرقىي قىرغىنچىلىق يۈرگۈزمەكتە
- خىتاي شەرقىي تۈركىستاننىڭ بايلىقىنى بۇلاڭ-تالاڭ قىلىش مەبلىغىنى كۆپەيتتى
- ئامېرىكا پاكىستانغا ياردەم قىلغان ئۈچ خىتاي شىركىتىنى جازالىدى
- ئۈچ گېرمانىيەلىك خىتايغا جاسۇسلۇق قىلغانلىقى سەۋەبلىك قولغا ئېلىندى
شەرقىي تۈركىستان دەۋاسى ھەققىدە 2-قېتىملىق يۇمىلاق ئۈستەل يىغىنى ئۆتكۈزۈلدى
5-دېكابىر ئىستانبۇلدا شەرقىي تۈركىستان مىللىي كۈرىشىنىڭ يېڭى يۈزلىنىشى ۋە بۇ ھەقتىكى زۆرۈر خىزمەتلەر توغرۇلۇق يۇمىلاق ئۈستەل يىغىنى ئۆتكۈزۈلدى.
ئۇيغۇر ئاكادېمىيەسىنىڭ تەشكىللىشى، ئۇيغۇر ئىلىم ۋە مەدەنىيەت تەتقىقات ۋەقفىنىڭ ساھىبخانلىقى بىلەن ئۆتكۈزۈلگەن 2-قېتىملىق «شەرقىي تۈركىستان مىللىي كۈرىشىنىڭ يېڭى يۈزلىنىشى ۋە قىلىشقا تېگىشلىك خىزمەتلەر ھەققىدە يۇمىلاق ئۈستەل يىغىنى»غا تۈركىيەدە پائالىيەت قىلىۋاتقان بىر قىسىم تەشكىلاتلارنىڭ مەسئۇللىرى ۋە ئاكادېمىكلار قاتناشتى.
يىغىندا شەرقىي تۈركىستان دەۋاسىنىڭ نۆۋەتتىكى ۋەزىيىتى، يېڭى يۈزلىنىشى ۋە بۇ ھەقتە قىلىشقا تېگىشلىك زۆرۈر خىزمەتلەر مۇزاكىرە قىلىندى، شۇنداقلا مۇناسىۋەتلىك بىر نەچچە تېما ھەققىدە يۇمىلاق ئۈستەل مۇھاكىمىسى ئۆتكۈزۈلدى.
بۇ قېتىملىق يىغىن ئۇيغۇر ئاكادېمىيەسىنىڭ تەشكىللىشىدىكى 2-قېتىملىق يۇمىلاق ئۈستەل يىغىنى بولۇپ، تۇنجى قېتىملىقى بۇ يىل 9-ئايدا 30 دىن ئارتۇق ئۇيغۇر زىيالىيسى ۋە تەشكىلات مەسئۇللىرىنىڭ قاتنىشىشىدا ئۆتكۈزۈلگەنىدى.
يىغىن قاتناشقۇچىلىرى بۇ خىل يىغىنلارنىڭ ھەرقايسى ساھەدىكى تەتقىقاتچى ۋە تەشكىلات مەسئۇللىرى ئارىسىدا ئۆزئارا چۈشىنىشنى چوڭقۇرلاشتۇرۇشتا، شۇنداقلا شەرقىي تۈركىستان داۋاسى مەسىلىسىدە ھەمكارلىقنى كۈچەيتىشتە مۇھىم رول ئوينايدىغانلىقىنى بىلدۈرۈشتى.
تەييارلىغۇچى: ئابدۇخەبەر رەجەپ