- تۈركىيە يەرلىك سايلىمىدىن كېيىن پارلامېنت ئەزالىرىنىڭ سانىدا ئۆزگىرىش بولدى
- ئامېرىكا خىتاينىڭ تۆكمە قىلىپ سېتىشىغا قارشى تەدبىر ئېلان قىلدى
- ئاۋسترالىيە خىتاينىڭ تەھدىتىگە قارشى ھەربىي خىراجەتنى كۆپەيتتى
- خىتاي ئاتالمىش «جۇڭخۇا مىللىتى ئورتاق گەۋدىسى ئېڭى»نى قايتا تەكىتلىدى
- مالايشىيا پالاتا ئەزاسى تەشكىلاتلار بىرلىكىنى زىيارەت قىلدى
- ئامېرىكا پارلامېنتىدا ئۇيغۇر دوستلۇق گۇرۇپپىسى قۇرۇلدى
- خىتاي تېرىلغۇ يەرلەرنى ئوچۇق-ئاشكارا بۇلاڭ-تالاڭ قىلماقتا
- دوكلات: خىتاي رېجىمى ئائىلە ئەزالىرىنى بىر-بىرىگە چېتىپ باستۇرماقتا
- خىتاي ھېيت مەزگىلىدە خەلقئارا جەمئىيەتنىڭ كۆزىنى بوياشقا ئۇرۇندى
- ياۋروپا ئىتتىپاقى خىتاينىڭ داۋالاش ئۈسكۈنىلىرى بازىرىنى تەكشۈرمەكچى
تەشكىلاتلار بىرلىكى ھەيئىتى بالىكەسىردە بىر قىسىم ئورگانلارنى زىيارەت قىلدى
خەلقئارا شەرقىي تۈركىستان تەشكىلاتلار بىرلىكىدىن تەشكىللەنگەن بىر ھەيئەت بۈگۈن تۈركىيەنىڭ بالىكەسىر ۋىلايىتىدە خەلقئارا ئوقۇغۇچىلار جەمئىيىتىنى زىيارەت قىلدى.
شەرقىي تۈركىستان مائارىپ ۋە ھەمكارلىق جەمئىيىتى باش كاتىپى ئابدۇلئەھەد ئابدۇراھمان، شەرقىي تۈركىستان ئاخبارات ۋە مېدىيا جەمئىيىتى رەئىسى ئابدۇلۋارىس خوتەن، شەرقىي تۈركىستان ئۆلىمالار بىرلىكى باش كاتىپى ئابدۇرازاق ئۇجات، سۇتۇق بۇغراخان ئىلىم ۋە مەدەنىيەت ۋەقفى مۇئاۋىن رەئىسى ئۆمەر قارىھاجىم ۋە شەرقىي تۈركىستان يېڭى نەسىل ھەرىكىتى رەئىسى ئابدۇسالام تەكلىماكان قاتارلىقلاردىن تەشكىللەنگەن ھەيئەت خەلقئارا شەرقىي تۈركىستان تەشكىلاتلار بىرلىكىگە ۋاكالىتەن، بۈگۈن تۈركىيەنىڭ بالىكەسر ۋىلايىتىدە خەلقئارا ئوقۇغۇچىلار جەمئىيىتىنى زىيارەت قىلدى.
زىيارەت داۋامىدا شەرقىي تۈركىستاننىڭ نۆۋەتتىكى ۋەزىيىتى، خىتاينىڭ خەلقئارالىق بېسىم ۋە نارازىلىقلارغا قارىماي ئىجرا قىلىۋاتقان ئىرقىي قىرغىنچىلىق جىنايەتلىرى تونۇشتۇرۇلدى. شۇنىڭ بىلەن بىرگە، تۈركىيەدىكى ھەرقايسى مەكتەپلەردە ئوقۇۋاتقان ئۇيغۇر ئوقۇغۇچىلارنىڭ نۆۋەتتىكى ئەھۋالى ۋە ھەل قىلىشقا تېگىشلىك بىر قىسىم مەسىلىلەر مۇزاكىرە قىلىندى.
ھەيئەت ئارقىدىن يەنە ئىلىم تارقىتىش جەمئىيىتىنىڭ بالىكەسىر شۆبىسىنى ۋە ئادالەت ۋە تەرەققىيات پارتىيەسىنىڭ بالىكەسىر ۋىلايەتلىك شۆبىسىنى زىيارەت قىلىپ، شەرقىي تۈركىستان مەسىلىسى ھەققىدە سۆھبەتلەشتى.
تەييارلىغۇچى: ئابدۇخەبەر رەجەپ