- گېرمانىيە ئەمەلدارى: خىتاي بىخەتەرلىكىمىزگە تەھدىت
- ئىككى ئەنگلىيە پۇقراسى خىتايغا جاسۇسلۇق قىلىش بىلەن ئەيىبلەندى
- يىللىق دوكلات: خىتاي شەرقىي تۈركىستاندا ئىرقىي قىرغىنچىلىق يۈرگۈزمەكتە
- خىتاي شەرقىي تۈركىستاننىڭ بايلىقىنى بۇلاڭ-تالاڭ قىلىش مەبلىغىنى كۆپەيتتى
- ئامېرىكا پاكىستانغا ياردەم قىلغان ئۈچ خىتاي شىركىتىنى جازالىدى
- ئۈچ گېرمانىيەلىك خىتايغا جاسۇسلۇق قىلغانلىقى سەۋەبلىك قولغا ئېلىندى
- خىتاي بۇ يىل شەرقىي تۈركىستانغا خىتاي ئاققۇنلىرىنى كۆچۈرۈشتە رېكورت ياراتقان
- خىتاي بېيجىڭدا يىغىن ئورۇنلاشتۇرۇپ خەلقئارا جەمئىيەتنىڭ كۆزىنى بوياشقا ئۇرۇندى
- ناسا: خىتاي ئالەم بوشلۇقى ھەربىي پىلانىنى يوشۇرۇن داۋاملاشتۇرماقتا
- ئامېرىكا فىلىپپىنغا باشقۇرۇلىدىغان بومبا سىستېمىسى ئورۇنلاشتۇردى
تەشكىلاتلار بىرلىكى ھەيئىتى ئىسلام دۇنياسىغا چاقىرىق قىلدى
«دۇنياۋى ئادالەت چاقىرىقى» تېمىسىدىكى ئىسلام دۇنياسى قانۇن قۇرۇلتىيىغا ئىشتىراك قىلغان خەلقئارا شەرقىي تۈركىستان تەشكىلاتلار بىرلىكى ھەيئىتى ئىسلام دۇنياسىنى شەرقىي تۈركىستان مۇسۇلمانلىرى مەسىلىسىدە مەسئۇلىيىتىنى ئادا قىلىشقا چاقىردى.
خەلقئارا قانۇنشۇناسلار بىرلىكىنىڭ ئورۇنلاشتۇرۇشى بىلەن 19-مايدىن 22-مايغىچە كونيادا ئېچىلغان «دۇنياۋى ئادالەت چاقىرىقى» تېمىسىدىكى ئىسلام دۇنياسى قانۇن قۇرۇلتىيىدا، خەلقئارا شەرقىي تۈركىستان تەشكىلاتلار بىرلىكى رەئىسى ھىدايەتۇللاھ ئوغۇزخان باشچىلىقىدىكى ھەيئەت شەرقىي تۈركىستان مەسىلىسىنى كۈنتەرتىپكە كەلتۈردى.
يىغىندا سۆز قىلغان ھىدايەتۇللاھ ئوغۇزخان ئالدى بىلەن شەرقىي تۈركىستاننىڭ تارىخىنى قىسقىچە تونۇشتۇردى. ئارقىدىن خىتاينىڭ شەرقىي تۈركىستانغا تاجاۋۇز قىلىپ كىرگەندىن بېرى ئىجرا قىلىۋاتقان ئىرقىي قىرغىنچىلىق جىنايىتىنى، جۈملىدىن ئىسلام دىنى ۋە مۇسۇلمانلارنى ۋەھشىيانە باستۇرۇش، مىليونلىغان شەرقىي تۈركىستان خەلقىنى جازا لاگېرى ۋە تۈرمىلەرگە قاماش قاتارلىق جىنايەتلىرىنى بايان قىلىپ ئۆتتى.
ئۇ نۇتقىدا يەنە خىتاينىڭ ئىسلام دىنى ۋە مۇسۇلمانلارغا قارشى باستۇرۇش قىلمىشلىرىغا ئىسلام دۇنياسىنىڭ سۈكۈت قىلغانلىقىنى تەكىتلەش بىلەن بىرگە، ئىسلام دۇنياسىنى ئۆز مەسئۇلىيىتىنى ئادا قىلىپ، شەرقىي تۈركىستان مەسىلىسىگە كۆڭۈل بۆلۈشكە چاقىردى.
تەييارلىغۇچى: ئابدۇخەبەر رەجەپ