- تۈركىيە يەرلىك سايلىمىدىن كېيىن پارلامېنت ئەزالىرىنىڭ سانىدا ئۆزگىرىش بولدى
- ئامېرىكا خىتاينىڭ تۆكمە قىلىپ سېتىشىغا قارشى تەدبىر ئېلان قىلدى
- ئاۋسترالىيە خىتاينىڭ تەھدىتىگە قارشى ھەربىي خىراجەتنى كۆپەيتتى
- خىتاي ئاتالمىش «جۇڭخۇا مىللىتى ئورتاق گەۋدىسى ئېڭى»نى قايتا تەكىتلىدى
- مالايشىيا پالاتا ئەزاسى تەشكىلاتلار بىرلىكىنى زىيارەت قىلدى
- ئامېرىكا پارلامېنتىدا ئۇيغۇر دوستلۇق گۇرۇپپىسى قۇرۇلدى
- خىتاي تېرىلغۇ يەرلەرنى ئوچۇق-ئاشكارا بۇلاڭ-تالاڭ قىلماقتا
- دوكلات: خىتاي رېجىمى ئائىلە ئەزالىرىنى بىر-بىرىگە چېتىپ باستۇرماقتا
- خىتاي ھېيت مەزگىلىدە خەلقئارا جەمئىيەتنىڭ كۆزىنى بوياشقا ئۇرۇندى
- ياۋروپا ئىتتىپاقى خىتاينىڭ داۋالاش ئۈسكۈنىلىرى بازىرىنى تەكشۈرمەكچى
ئىسرائىلىيەنىڭ غەززەگە قاراتقان ھۇجۇملىرى داۋاملاشماقتا
ئىسرائىلىيە ئۇرۇش ئايروپىلانلىرى جۈمە كۈنى چۈشتىن كېيىن قوزغىغان تاجاۋۇزچىلىق ھەرىكىتى داۋام قىلىۋاتقان بولۇپ، بۈگۈن ئەتىگەن يەنە غەززە رايونىغا يېڭىدىن ھۇجۇم قىلغان.
ئەلجەزىرە تورىنىڭ بۈگۈنكى خەۋىرىدە بىلدۈرۈلۈشىچە، ۋەقەنى ئۆز كۆزى بىلەن كۆرگۈچىلەر ئىسرائىلىيە ئۇرۇش ئايروپىلانلىرى غەززەنىڭ جەنۇبىدىكى خان يۇنۇسنىڭ دېھقانچىلىق رايونىغا بىر قانچە باشقۇرۇلىدىغان بومبا تاشلىغانلىقىنى ئاشكارىلىغان.
تاجاۋۇزچىلىق ۋەقەسىنى كۆرگۈچىلەرنىڭ ئېيتىشىچە، ئىسرائىلىيە تاجاۋۇزچىلىق ھەرىكىتى بىر كىشىنىڭ ھاياتىدىن ئايرىلىشى يەنە بىرىنىڭ يارىلىنىشىنى كەلتۈرۈپ چىقارغان بولۇپ، ئىسرائىلىيە غەززىگە ھۇجۇم باشلىغان ئىككى كۈندىن بۇيان شەھىدلەرنىڭ سانى 11 گە يەتكەن.
بىلدۈرۈلۈشىچە، ئىسلام جىھادىي قوراللىق ھەرىكەت تارمىقى «قۇددۇس بېرىگادىسى» مۇ ئىسرائىلىيەگە راكېتامىيوت ئاتقان. شەنبە كۈنى ئەتىگەندە ئىسرائىلىيە ئىشغالىيەتچى ئارمىيەسى ئىسلام جىھاد ھەرىكىتىگە تەۋە قورال-ياراغ ئىشلەپچىقىرىش ئورۇنلىرىنى نىشانلىغان. ئۇندىن باشقا ئىسرائىلىيە ئىشغالىيەتچى ئارمىيەسى ئىسلام جىھاد ھەرىكىتىگە تەۋە باشقۇرۇلىدىغان بومبا ئىشلەپچىقىرىشتا ئىشلىتىلىدىغان ماتېرىياللار ۋە رايوندا ئىشلىتىدىغان مىناميوت ئوقى ئىشلەپچىقىرىدىغان ئورۇنلارنى بومباردىمان قىلغان.
ئىسرائىلىيە يەنە غەززە رايونىنىڭ ئوخشىمىغان جايلىرىدىكى ئىسلام جىھادى ھەرىكىتىگە تەۋە ئورۇنلارنى داۋاملىق بومباردىمان قىلغان.
مەلۇم بولۇشىچە، ئىسرائىلىيە تاجاۋۇزچى كۈچلىرى غەززە شەھىرىنىڭ غەربىدىكى مەلۇم ئورۇننى نىشانلاپ ھۇجۇم قىلغان بولۇپ، نىشانغا يەتكۈچە داۋام قىلىدىكەن. ئىسرائىلىيەنىڭ ھۇجۇملىرىغا قارشى ئىسلام جىھادى ھەرىكىتى ئەل قۇددۇس بېرىگادىسى غەززە چېگراسىدىكى كىسسۇفىم، فاججە قاتارلىق ئورۇنلارغا راكېتا بومبىسى ئاتقان.
تەييارلىغۇچى: ئابدۇخەبەر رەجەپ