- ئامېرىكا تاشقى ئىشلار مىنىستىرى خىتاي زىيارىتىنى باشلىدى
- خىتاينىڭ گۇاڭدۇڭ ئۆلكىسىدە ئېغىر كەلكۈن ئاپىتى يۈز بەردى
- ياۋروپا پارلامېنتى مەجبۇرىي ئەمگەك مەھسۇلاتلىرىنى چەكلەش نىزامىنى تەستىقلىدى
- خىتاي مۇداپىئە مىنىستىرلىقى ئۇچۇر ياردەمچى قىسمى قۇرغانلىقىنى ئېلان قىلدى
- گېرمانىيە ئەمەلدارى: خىتاي بىخەتەرلىكىمىزگە تەھدىت
- ئىككى ئەنگلىيە پۇقراسى خىتايغا جاسۇسلۇق قىلىش بىلەن ئەيىبلەندى
- يىللىق دوكلات: خىتاي شەرقىي تۈركىستاندا ئىرقىي قىرغىنچىلىق يۈرگۈزمەكتە
- خىتاي شەرقىي تۈركىستاننىڭ بايلىقىنى بۇلاڭ-تالاڭ قىلىش مەبلىغىنى كۆپەيتتى
- ئامېرىكا پاكىستانغا ياردەم قىلغان ئۈچ خىتاي شىركىتىنى جازالىدى
- ئۈچ گېرمانىيەلىك خىتايغا جاسۇسلۇق قىلغانلىقى سەۋەبلىك قولغا ئېلىندى
مىڭلىغان مۇسۇلمان ھىندىستان ھۆكۈمىتىنىڭ ئۆي چېقىش قارارىغا نارازىلىق بىلدۈردى
مىڭلىغان مۇسۇلمان ھىندىستان سوتىنىڭ 4500 ئۆينى چېقىپ تاشلاش قارارىغا نارازىلىق بىلدۈرۈپ نامايىش قىلدى.
ئەلجەزىرە تورىنىڭ 2-يانۋاردىكى خەۋىرىدە بىلدۈرۈلۈشىچە، مىڭلىغان مۇسۇلمانلار ھىندىستاننىڭ شىمالىدىكى ھالدۋانى شەھىرىدە نامايىش قىلىپ، سوتنىڭ «رۇخسەتسىز ياسالغان ئۆي» دېگەن باھانە بىلەن، 4500 ئۆينى چېقىپ كۆچۈرۈش قارارىغا نارازىلىق بىلدۈرگەن.
بۇ شەھەرنىڭ ئۇتتار خاند ئىشتاتلىق يۇقىرى سوت مەھكىمىسى مۇسۇلمانلارنىڭ ئۆيلىرىنى كۆچۈرۈش قارارىنى «قۇرماقچى بولغان ۋوگزالغا پايدىلىق» دېگەندەك باھانە بىلەن ساقلاپ قالغان. بىلدۈرۈلۈشىچە، سوت مەھكىمىسى ئاھالىلەر نەچچە ئون يىلدىن بېرى ياشاپ كەلگەن ئۆيلەرنى چېقىشتىن بىر نەچچە كۈن ئىلگىرى ئاھالىلەرگە كۆچۈپ كېتىش ۋاقتى بەلگىلەپ بەرگەن.
ھىندىستانلىقلار 2014-يىلى رادىكال ھىندىستان خەلق پارتىيەسى ھاكىمىيەت بېشىغا چىققاندىن بۇيان، ھىندىستاندا مۇسۇلمانلارغا قارىتىلغان ئۆچمەنلىك ۋە ھۇجۇملارنىڭ كۆرۈنەرلىك ئاشقانلىقىغا شاھىت بولغان. بۇ جەرياندا بىر قىسىم مۇسۇلمانلار ھۆكۈمەت تەرىپىدىن قولغا ئېلىنىپ، تەن جازاسى بېرىلگەن. بىر قانچە ئىشتاتتا مۇسۇلمانلارنىڭ ئۆيلىرى چېقىۋېتىلگەندىن باشقا، مەكتەپلىرى تاقىۋېتىلگەن.
مەزكۇر پارتىيەنىڭ رادىكال ئەمەلدارلىرى يەنە مۇھەممەد ئەلەيھىسسالام ھەققىدە بىر قانچە قېتىم ھاقارەتلىك باياناتلارنى ئېلان قىلىپ، ھىندىستان ئىچىدە كەڭ كۆلەملىك نامايىشلارنى كەلتۈرۈپ چىقارغان.
تەييارلىغۇچى: ئابدۇخەبەر رەجەپ