- ئامېرىكا تاشقى ئىشلار مىنىستىرى خىتاي زىيارىتىنى باشلىدى
- خىتاينىڭ گۇاڭدۇڭ ئۆلكىسىدە ئېغىر كەلكۈن ئاپىتى يۈز بەردى
- ياۋروپا پارلامېنتى مەجبۇرىي ئەمگەك مەھسۇلاتلىرىنى چەكلەش نىزامىنى تەستىقلىدى
- خىتاي مۇداپىئە مىنىستىرلىقى ئۇچۇر ياردەمچى قىسمى قۇرغانلىقىنى ئېلان قىلدى
- گېرمانىيە ئەمەلدارى: خىتاي بىخەتەرلىكىمىزگە تەھدىت
- ئىككى ئەنگلىيە پۇقراسى خىتايغا جاسۇسلۇق قىلىش بىلەن ئەيىبلەندى
- يىللىق دوكلات: خىتاي شەرقىي تۈركىستاندا ئىرقىي قىرغىنچىلىق يۈرگۈزمەكتە
- خىتاي شەرقىي تۈركىستاننىڭ بايلىقىنى بۇلاڭ-تالاڭ قىلىش مەبلىغىنى كۆپەيتتى
- ئامېرىكا پاكىستانغا ياردەم قىلغان ئۈچ خىتاي شىركىتىنى جازالىدى
- ئۈچ گېرمانىيەلىك خىتايغا جاسۇسلۇق قىلغانلىقى سەۋەبلىك قولغا ئېلىندى
ئۇيغۇر ياش يەنە بىرىنچىلىكنى قولغا كەلتۈردى
قۇرئان كەرىمنى تەجۋىدلىك ئوقۇش ئاساسىدىكى «ياش دىندارلار قارىلىق مۇسابىقىسى» 23-ماي بوردۇدا ئۆتكۈزۈلگەن بولۇپ، مۇسابىقىدە شەرقىي تۈركىستانلىق ئۇيغۇر ئوقۇغۇچى نۇرىددىن جامالىدىن يېرىم ھەل قىلغۇچ مۇسابىقىدە يەنە بىرىنچىلىكنى قولغا كەلتۈردى.
نۇرىددىن جامالىدىن بۇ تۈر بويىچە 6-ئىيون تۈركىيە مىقياسىدا ئۆتكۈزۈلىدىغان ھەل قىلغۇچ مۇسابىقىسىگە قاتنىشىش سالاھىيىتىگە ئېرىشتى. ئەگەر ئۇ ھەل قىلغۇچ مۇسابىقىدە نەتىجىسى ئالاھىدە بولۇپ قالسا، بۇ جەھەتتە تۈركىيە بويىچە بىرىنچىلىكنى قولغا كەلتۈرىدىكەن.
نۇرىددىن جامالىدىن نۆۋەتتە، كونيانىڭ ئالدىنقى قاتاردىكى ئوتتۇرا مەكتەپلىرىدىن بىرى بولغان مۇستافا بۈيۈك قاپلان قارىلىق ئوتتۇرا مەكتىپىنىڭ ئوقۇغۇچىسى بولۇپ، ئۇ ئىلگىرى قۇرئان كەرىمنى بەيلىكدۈزىگە جايلاشقان «دارۇل قۇرئان قارىلىق مەدرىسەسى» دىكى يۈسۈپ قارىھاجىمنىڭ قولىدا قۇرئان كەرىمنى يادلاپ تاماملاپ شاھادەتنامە ئالغان. نۇرىددىن جامالىدىن ئالدىنقى قېتىم 26-ئاپرېل كونيادا ئۆتكۈزۈلگەن قۇرئان كەرىمنى تەجۋىدلىك ئوقۇش ئاساسىدا ئۆتكۈزۈلگەن «ياش دىندارلار قارىلىق مۇسابىقىسى» دە كونيا ۋىلايىتى بويىچە بىرىنچىلىككە ئېرىشىپ، يېرىم ھەل قىلغۇچ مۇسابىقىگە قاتنىشىش سالاھىيىتىگە ئېرىشكەنىدى.
تەييارلىغۇچى: ئابدۇخەبەر رەجەپ