- خىتاي شەرقىي تۈركىستاندا ئاتالمىش «تېررورلۇققا قارشى» مانېۋىر ئۆتكۈزدى
- خىتاي شەرقىي تۈركىستاندا ئاسىيا-ياۋروپا سودا كۆرگەزمىسى ئۆتكۈزۈشكە تەييارلىق قىلماقتا
- خىتاي سودا سۆھبىتىگە ئالدىراۋاتقانلىقىنى يوشۇرۇپ قالالمىدى
- ئالما شىركىتى ئىشلەپچىقىرىشنى خىتايدىن ھىندىستانغا يۆتكىمەكتە
- خىتاي ھۆججەتلىك فىلىم ئارقىلىق مەجبۇرىي ئەمگەك جىنايىتىنى يوشۇرۇشقا ئۇرۇندى
- شەرقىي تۈركىستانغا بېرىپ قايتقان ئۇيغۇرنىڭ بايانلىرى ئېچىنىشلىق ۋەزىيەتنى ئاشكارىلىدى
- خىتاينىڭ نوپۇس كىرىزىسى بۇ يىلمۇ داۋاملاشماقتا
- كورىيەدىمۇ بىر خىتاي جاسۇسى قولغا ئېلىندى
- فىلىپپىن خىتاينىڭ سايلامغا دەخلى قىلىش قىلمىشىنى تەكشۈرۈشكە باشلىدى
- ئەنگلىيە مەجبۇرىي ئەمگەكنى چەكلەشتە يېڭى بىر قەدەم باستى
ئىران، خىتاي ۋە رۇسىيە يىللىق بىرلەشمە مانېۋىر باشلىدى
تىرامپ ھۆكۈمىتى رەھبەرلىكىدىكى ئامېرىكىنىڭ تاشقى سىياسىتىدە ئۆزگىرىش بولۇۋاتقان بىر پەيتتە، ئىران، خىتاي ۋە رۇسىيە يىللىق بىرلەشمە دېڭىز ئارمىيە مانېۋىرىنى باشلىغان.
CNN قانىلىنىڭ خەۋەر قىلىشىچە، ئىران، خىتاي ۋە رۇسىيە 10-مارت ئوممان قولتۇقىدا «بىخەتەرلىك بەلبېغى-2025» ناملىق يىللىق بىرلەشمە دېڭىز ئارمىيە مانېۋىرىنى باشلىغان. بۇ مانېۋىر پىرېزىدېنت تىرامپ رەھبەرلىكىدىكى ئامېرىكا تاشقى سىياسىتىنىڭ ئۆزگىرىۋاتقان پەيتىدە ئوتتۇرىغا چىققان ھەربىي ھەمكارلىقنى كۆرسەتكەن.
بۇ 2019-يىلىدىن بۇيانقى بەشىنچى قېتىملىق بىرلەشمە مانېۋىر بولۇپ، ئامېرىكىنىڭ تەسىرىگە قارشى تۇرۇشنى مەقسەت قىلغان. نۆۋەتتە ئامېرىكا بۇ دۆلەتلەر ئارىسىدىكى ئىستراتېگىيەلىك ئىتتىپاقنىڭ كۈچىيىشىدىن ئەندىشە قىلىۋاتقان بولۇپ، بۇ مانېۋىرنى «مۇستەبىتلىك ئوقى» دەپ ئاتىغان.
بۇ قېتىمقى مانېۋىرغا 15 ئۇرۇش پاراخوتى قاتناشتۇرۇلغان بولۇپ، ھەرخىل مەشىقلەر ئارقىلىق ھەربىي ئىشەنچنى كۈچەيتىش ئاساس قىلىنغان. بىلدۈرۈلۈشىچە، مەزكۇر مانېۋىر ئامېرىكا بىلەن بولغان زىددىيەتنى كۈچەيتىۋېتىشى، بولۇپمۇ ئىراننىڭ يادرو پىلانى ۋە ئامېرىكىنىڭ جازا تەدبىرلىرى مەسىلىسىدىكى زىددىيەتنى تېخىمۇ ئېغىرلاشتۇرۇۋېتىشى مۇمكىن ئىكەن.
تەييارلىغۇچى: ئابدۇخەبەر رەجەپ