- خىتاينىڭ ب د ت غا كۆپلىگەن ساختا تەشكىلاتلارنى كىرگۈزگەنلىكى ئاشكارىلاندى
- ئالدىنقى پەسىلدە «ئىرقىي قىرغىنچىلىق ساياھىتى» داۋاملىق كۆپەيگەن
- ياۋروپا ئىتتىپاقى خىتاي ئەمەلدارلىرىغا قارىتىلغان جازانى ئەمەلدىن قالدۇرمايدىغانلىقىنى بىلدۈردى
- خىتاي شەرقىي تۈركىستاندا ئاتالمىش «تېررورلۇققا قارشى» مانېۋىر ئۆتكۈزدى
- خىتاي شەرقىي تۈركىستاندا ئاسىيا-ياۋروپا سودا كۆرگەزمىسى ئۆتكۈزۈشكە تەييارلىق قىلماقتا
- خىتاي سودا سۆھبىتىگە ئالدىراۋاتقانلىقىنى يوشۇرۇپ قالالمىدى
- ئالما شىركىتى ئىشلەپچىقىرىشنى خىتايدىن ھىندىستانغا يۆتكىمەكتە
- خىتاي ھۆججەتلىك فىلىم ئارقىلىق مەجبۇرىي ئەمگەك جىنايىتىنى يوشۇرۇشقا ئۇرۇندى
- شەرقىي تۈركىستانغا بېرىپ قايتقان ئۇيغۇرنىڭ بايانلىرى ئېچىنىشلىق ۋەزىيەتنى ئاشكارىلىدى
- خىتاينىڭ نوپۇس كىرىزىسى بۇ يىلمۇ داۋاملاشماقتا
خىتاينىڭ ب د ت غا كۆپلىگەن ساختا تەشكىلاتلارنى كىرگۈزگەنلىكى ئاشكارىلاندى
خىتاينىڭ بىرلەشكەن دۆلەتلەر تەشكىلاتىدا تەسىر كۈچىنى زورايتىشقا ئۇرۇنۇش قىلمىشلىرى ئىزچىل داۋاملىشىپ كەلگەن بولۇپ، يېقىنقى بىر تەكشۈرۈشتە خىتاي رېجىمىنىڭ نۇرغۇنلىغان ساختا «ھۆكۈمەتسىز تەشكىلات»لارنى ب د ت ئاپپاراتلىرىغا سىڭدۈرۈپ كىرگۈزگەنلىكى ئاشكارىلاندى.
خەلقئارا تەكشۈرگۈچى مۇخبىرلار بىرلەشمىسى (ICIJ) 28-ئاپرېل بىر تەكشۈرۈش دوكلاتى ئېلان قىلغان بولۇپ، 42 تاراتقۇ ئورگىنى قاتناشقان مەزكۇر تەكشۈرۈش خىتاينىڭ ب د ت ئىنسان ھەقلىرى كېڭىشىدىكى ھەرىكەتلىرىگە مەركەزلەشكەن.
تەكشۈرۈش دوكلاتىغا ئاساسلانغاندا، خىتاي، خوڭكوڭ، ئاۋمېن ۋە تەيۋەندىن ب د ت غا تىزىملاتقان 106 ئاممىۋى تەشكىلاتنىڭ 59 ىنىڭ خىتاي رېجىمى ياكى خىتاي كومپارتىيەسى بىلەن قويۇق مۇناسىۋىتى بار ئىكەن. ھۆكۈمەتسىز تەشكىلات سالاھىيىتىگە كىرىۋالغان مەزكۇر تەشكىلاتلار ب د ت كېڭىشىدە خىتاينىڭ تەرىپىنى ئېلىپلا قالماي، دوكلاتلىرىدا خىتاينىڭ جىنايەتلىرىنى پەردازلاپ كەلگەن.
بىلدۈرۈلۈشىچە، ب د ت ئىنسان ھەقلىرى كېڭىشىدە شەرقىي تۈركىستاندىكى ئىرقىي قىرغىنچىلىق، تىبەتتىكى ئۆسمۈرلەرنى ئائىلىسىدىن ئايرىش قاتارلىق خىتاينىڭ جىنايەتلىرى ئوتتۇرىغا قويۇلغاندا، مەزكۇر ساختا تەشكىلاتلار يىغىننى قالايمىقان قىلىشقا ئۇرۇنىدىكەن. ئۇلارنىڭ سانى كۆپ بولغاچقا، ب د ت يىغىنىدا تېخىمۇ كۆپ سۆز قىلىش پۇرسىتىگە ئېرىشىدىكەن. مەسىلەن، 2024-يىلىدىكى خىتاينىڭ ئىنسان ھەقلىرى خاتىرىسىنى قەرەللىك تەكشۈرۈش يىغىنىدا سۆز قىلىش ۋاقتىنىڭ يېرىمدىن كۆپرەكى مەزكۇر خىتايپەرەس ساختا تەشكىلاتلارغا بېرىلگەن.
مەزكۇر تەكشۈرۈش دوكلاتىدا يەنە بىر ئېچىنىشلىق ئەھۋال قەيت قىلىنغان بولۇپ، نۆۋەتتە خىتايغا قارشى پائالىيەتچىلەر، شەخسلەرنىڭ ب د ت نىڭ يىغىنلىرى ۋە پائالىيەتلىرىگە قاتنىشىش نىسبىتى تارىختىكى ئەڭ تۆۋەن نۇقتىغا چۈشۈپ قالغان. ھالبۇكى، 2018-يىلىدىن بۇيان ب د ت دا تىزىمغا ئالدۇرۇلغان خىتاينىڭ ساختا «ھۆكۈمەتسىز تەشكىلات»لىرى تەخمىنەن بىر ھەسسە كۆپەيگەن.