- خىتاي ئاخبارات ئەركىنلىكى جەھەتتە ئارقىدىن سانىغاندا 3-ئورۇنغا تىزىلدى
- بېلگىيەدە بىر سىياسىيون خىتايغا جاسۇسلۇق قىلىش بىلەن ئەيىبلەندى
- خىتاي شەرقىي تۈركىستاندا ئۆزبېكىستان بىلەن سودا ھەمكارلىق يىغىنى ئۆتكۈزدى
- خىتاي مەجبۇرىي ئەمگەك، ئاققۇن يۆتكەشنى تېخىمۇ كېڭەيتىدىغان ئورگان قۇردى
- خىتاي ئۇيغۇرلار سەۋەبلىك ياۋروپا پارلامېنت ئەزالىرىغا يۈرگۈزگەن جازانى بىكار قىلدى
- خىتاي باج كەچۈرۈم تىزىملىكى ئېلان قىلىشقا مەجبۇر بولدى
- خىتاينىڭ ب د ت غا كۆپلىگەن ساختا تەشكىلاتلارنى كىرگۈزگەنلىكى ئاشكارىلاندى
- ئالدىنقى پەسىلدە «ئىرقىي قىرغىنچىلىق ساياھىتى» داۋاملىق كۆپەيگەن
- ياۋروپا ئىتتىپاقى خىتاي ئەمەلدارلىرىغا قارىتىلغان جازانى ئەمەلدىن قالدۇرمايدىغانلىقىنى بىلدۈردى
- خىتاي شەرقىي تۈركىستاندا ئاتالمىش «تېررورلۇققا قارشى» مانېۋىر ئۆتكۈزدى
بېلگىيەدە بىر سىياسىيون خىتايغا جاسۇسلۇق قىلىش بىلەن ئەيىبلەندى
بېلگىيەدىكى بىر شەھەر باشلىقى خىتاي بىلەن خۇپىيانە ھەمكارلىشىش، ئۇيغۇرلار ھەققىدە خىتاينى تەنقىد قىلغان پارلامېنت ئەزاسىنى نازارەت قىلىپ، ئۇچۇر توپلاش بىلەن ئەيىبلەنگەن بولۇپ، بېلگىيە بىخەتەرلىك ئورگانلىرى تەرىپىدىن ئاگاھلاندۇرۇلغان.
سىياسەت تورىنىڭ بۇ ھەقتىكى خەۋىرىدە بىلدۈرۈلۈشىچە، خىتاي جاسۇسلۇق ئورگانلىرى 2020-يىلى بېلگىيەدىكى ھۇي شەھىرىنىڭ شۇ چاغدىكى باشلىقى ئېرىك دوسوگن بىلەن يېقىنلىشىشقا باشلىغان. ئېرىك دوسوگن خىتاي بىلەن قېرىنداش شەھەر ئالاقىسى ئورنىتىش ئارقىلىق مۇناسىۋەتنى قويۇقلاشتۇرغان بولۇپ، ئۇيغۇر مەسىلىسىدە خىتايغا قارشى ئاۋاز چىقارغان سابىق پارلامېنت ئەزاسى سامۇئېل كوگولاتىنى نازارەت قىلىشقا، ئۇ ھەقتە خىتاينى ئۇچۇر بىلەن تەمىنلەشكە قوشۇلغان.
نازارەت قىلىنىشقا دۇچ كەلگەن سامۇئېل كوگولاتى 2021-يىلى خىتاينىڭ ئۇيغۇرلارنى باستۇرۇش قىلمىشىنى ئەيىبلەيدىغان قانۇن لايىھەسى سۇنغۇچىلاردىن بىرى بولۇپ، ئەينى ۋاقىتتا ئۇنىڭ كومپيۇتېرى خىتاي خاككېرلىرىنىڭ تور ھۇجۇمىغا ئۇچرىغان.
بۇ بېلگىيەنىڭ تۇنجى قېتىم خىتاي جاسۇسىنى بايقىشى ئەمەس بولۇپ، 2023-يىلى سابىق پارلامېنت ئەزاسى فىرانك كىرېيېلمان خىتايغا جاسۇسلۇق قىلىش بىلەن ئەيىبلەنگەنىدى.
يېقىنقى مەزگىللەردە خىتاينىڭ ھەرقايسى دۆلەتلەر ۋە تەشكىلاتلاردىكى جاسۇسلۇق ھەرىكەتلىرى ئارقا-ئارقىدىن پاش بولۇپ، خىتاينىڭ ھەقىقىي يۈزىنى دۇنياغا تونۇتماقتا.