- قازاقىستان ئۇيغۇرلار ئۈچۈن ئاۋاز چىقارغان تەتقىقاتچىنىڭ چېگرادىن كىرىشىنى چەكلىدى
- شەرقىي تۈركىستان ئۇلۇسال پۇتبول كوماندىسى خەلقئارالىق مۇسابىقىگە تاللاندى
- خىتاي ئۈرۈمچىدە يەنە ئارقىمۇ ئارقا خەلقئارالىق يىغىن ئۆتكۈزدى
- خىتايلارنىڭ تۈركىيەدە پاش بولغان ئالاھىدە جاسۇسلۇق ھەرىكىتى كۈچلۈك غۇلغۇلا قوزغىدى
- خىتاي تۇنجى نۆۋەتلىك خىتاي-ئوتتۇرا ئاسىيا مائارىپ مىنىستىرلىرى يىغىنىنى ئۈرۈمچىدە ئۆتكۈزدى
- ھىندىستان بىلەن پاكىستان ئۇرۇش توختاتتى
- خىتاي دېڭىز رايونىدا يەنە زومىگەرلىك قىلدى
- ئامېرىكا بىلەن خىتاي كېلىشىم ھاسىل قىلغانلىقىنى ئېلان قىلدى
- خىتاينىڭ شەرقىي تۈركىستاندىكى ھەربىي مەشىق ئورۇنلىرى دىققەت قوزغىدى
- خىتاي مەجبۇرىي ئەمگەك مەھسۇلاتلىرىنى تېخىمۇ ئاسان تارقاتماقتا
شەرقىي تۈركىستان ئۇلۇسال پۇتبول كوماندىسى خەلقئارالىق مۇسابىقىگە تاللاندى
مۇھاجىرەتتە ياشاۋاتقان ئۇيغۇرلار يىللاردىن بۇيان پۇتبولسۆيەر روھىنى جانلاندۇرۇپ، تۈرلۈك مۇسابىقىلەرنى تەشكىللەپ كېلىۋاتقان بولۇپ، يېقىندا شەرقىي تۈركىستان ئۇلۇسال پۇتبول كوماندىسىنىڭ خەلقئارالىق مۇسابىقىگە قاتنىشىش سالاھىيىتىگە ئېرىشكەنلىكى، «شەرقىي تۈركىستان» نامى ۋە بايرىقى بىلەن مۇسابىقىگە قاتنىشىدىغانلىقى ھەققىدىكى خەۋەر ھاياجان قوزغىدى.
مۇھاجىرەتتە قۇرۇلغان شەرقىي تۈركىستان پۇتبول بىرلەشمىسىنىڭ ئېلان قىلىشىچە، بىرلەشمە تەرىپىدىن تەشكىللەنگەن شەرقىي تۈركىستان ئۇلۇسال پۇتبول كوماندىسى بۇ يىل 1-ئىيۇلدىن 5-ئىيۇلغىچە لوندوندا ئۆتكۈزۈلىدىغان 2025-يىللىق Conifa (مۇستەقىل پۇتبول جەمئىيەتلىرى ئىتتىپاقى) ئاسىيا لوڭقىسى مۇسابىقىسىگە تاللانغان. مۇستەقىل پۇتبول جەمئىيەتلىرى ئىتتىپاقى 2013-يىلى قۇرۇلغان بولۇپ، ھازىر شەرقىي تۈركىستان پۇتبول بىرلەشمىسىنى ئۆز ئىچىگە ئالغان 40 تىن ئارتۇق ئەزاسى بار ئىكەن.
شەرقىي تۈركىستان پۇتبول بىرلەشمىسى 2019-يىلى قۇرۇلغاندىن بۇيان، گوللاندىيە قاتارلىق دۆلەتلەردە كۆپلىگەن دوستلۇق مۇسابىقىلىرىنى تەشكىللىگەندىن سىرت، «شەرقىي تۈركىستان ئەركىنلىك لوڭقىسى» پۇتبول مۇسابىقىسىنى قەرەللىك ئۆتكۈزۈپ كەلمەكتە. بۇلتۇر ئاۋغۇست ئېيىدا 5-نۆۋەتلىك «شەرقىي تۈركىستان ئەركىنلىك لوڭقىسى» پۇتبول مۇسابىقىسى سەككىز دۆلەتتىكى ئۇيغۇر كوماندىلىرىنىڭ ئىشتىراك قىلىشى بىلەن بېلگىيەدە ئۆتكۈزۈلگەنىدى.
شەرقىي تۈركىستان پۇتبول بىرلەشمىسىنىڭ بىلدۈرۈشىچە، نۆۋەتتە شەرقىي تۈركىستان ئۇلۇسال پۇتبول كوماندىسى مۇسابىقىگە قاتنىشىش ئۈچۈن ئىقتىسادىي ياردەمگە ئېھتىياجلىق بولۇۋاتقان بولۇپ، بۇ ھەقتىكى چاقىرىقلار داۋاملاشماقتا.