- ب د ت ئومۇمىي كېڭىشى يىغىنىدا تېخىمۇ كۆپ دۆلەتلەر پەلەستىننى ئېتىراپ قىلدى
- خىتاينىڭ «ئىسلام دىنىنى خىتايچىلاشتۇرۇش» سىياسىتى تۇڭگانلارغىمۇ ئىجرا قىلىنماقتا
- شەرقىي تۈركىستاندىن قىرغىزىستانغا يەنە بىر چېگرا ئېغىزى ئېچىلدى
- خىتاي يېڭى ئاق تاشلىق كىتابىدا ئىشغالىيەت ۋە ئىرقىي قىرغىنچىلىق جىنايىتىنى ئىنكار قىلدى
- ئەنقەرەدە «ئۇيغۇر قىرغىنچىلىقى داۋاملىشىۋاتقاندا ئۇيغۇر كىملىكىنى قوغداش ھەققىدە» ئىلمىي مۇھاكىمە يىغىنى ئۆتكۈزۈلدى
- ئافرىقىلىق ئۆسمۈرلەرنى قۇل قىلىپ ئىشلەتكەن خىتايلارغا ھۆكۈم ئېلان قىلىندى
- خىتاي تارىم ئويمانلىقىدىكى تەبىئىي گاز ساقلاش ئامبىرىنى تېخىمۇ كېڭەيتتى
- ئامېرىكا خىتايدىن يولغا چىققان غايەت زور زەھەرلىك چېكىملىك ماددىلىرىنى تۇتۇپ قالدى
- شى جىنپىڭ بىلەن پۇتىننىڭ ئاشكارىلىنىپ كەتكەن سۆھبىتى كۈچلۈك غۇلغۇلا قوزغىدى
- «ئۇيغۇر سىياسىتى قانۇنى» ئامېرىكا ئاۋام پالاتاسىدا ماقۇللاندى
ب د ت ئومۇمىي كېڭىشى يىغىنىدا تېخىمۇ كۆپ دۆلەتلەر پەلەستىننى ئېتىراپ قىلدى
بىرلەشكەن دۆلەتلەر تەشكىلاتى ئومۇمىي كېڭىشىنىڭ 80-نۆۋەتلىك يىغىنى 22-سېنتەبىر نىيۇيوركتا چاقىرىلغان بولۇپ، پەلەستىن-ئىسرائىلىيە مەسىلىسىنى ھەل قىلىشقا ئالاقىدار «ئىككى دۆلەت چارىسى» مۇزاكىرە قىلىنغان مەخسۇس يىغىن ئۆتكۈزۈلدى ۋە فىرانسىيە قاتارلىق تېخىمۇ كۆپ دۆلەتلەر پەلەستىننىڭ دۆلەتلىك سالاھىيىتىنى ئېتىراپ قىلدى.
مەزكۇر ئالاھىدە يىغىن فىرانسىيە ۋە سەئۇدى ئەرەبىستاننىڭ باشچىلىقىدا تەشكىللەنگەن بولۇپ، فىرانسىيە پىرېزىدېنتى ئېمانۇئېل ماكرون يىغىندا سۆز قىلىپ، فىرانسىيەنىڭ پەلەستىننى دۆلەت دەپ ئېتىراپ قىلىدىغانلىقىنى جاكارلىدى ۋە نۆۋەتتە غەززەدىكى ئۇرۇشنىڭ ھېچقانداق ھەققانىي تەرىپى قالمىغانلىقىنى تەكىتلىدى. مەزكۇر يىغىنغا ئامېرىكا بىلەن ئىسرائىلىيە قاتناشمىدى.
ئوخشاش كۈندە بېلگىيە، لىيۇكسېمبۇرگ، مالتا، موناكو، ئاندوررا قاتارلىق ياۋروپا دۆلەتلىرىمۇ پەلەستىننى رەسمىي ئېتىراپ قىلدى. ئالدىنى ھەپتە ئەنگلىيە، ئاۋسترالىيە، كانادا ۋە پورتۇگالىيەمۇ پەلەستىننىڭ دۆلەتلىك سالاھىيىتىنى رەسمىي ئېتىراپ قىلغان بولۇپ، بۇنىڭ بىلەن پۈتۈن دۇنيادىكى 193 دۆلەتتىن پەلەستىننى رەسمىي ئېتىراپ قىلغانلار 150 تىن ئاشتى.