- ئۈرۈمچىدە غايەت زور تەبىئىي گاز زاپىسى بايقالدى
- ياۋروپا ئىتتىپاقى خۇاۋېي ۋە جۇڭشىڭنى چەكلەشنى ئويلاشماقتا
- ئەنگلىيە ھۆكۈمىتى خىتاينىڭ ئاكادېمىيە ساھەسىگە قول تىقىشىغا قارشى ھەرىكەتكە ئۆتتى
- ئەنگلىيە تاراتقۇسى خىتاينىڭ شەرقىي تۈركىستاندىكى مەخپىي بازىسىنى ئاشكارىلىدى
- «قېرىنداش دۆلەت» ئىپادىسى تۈركىيەدە كۈچلۈك غۇلغۇلا قوزغىدى
- تىرامپ تۈركىستان جۇمھۇرىيەتلىرىنىڭ رەھبەرلىرىنى جەم قىلدى
- خىتاي بۇ يىللىق خىتاي − ئوتتۇرا ئاسىيا ھەمكارلىق مۇنبىرىنى ئۈرۈمچىگە ئورۇنلاشتۇردى
- خىتاي ئون نەچچە يىل سەرپ قىلىپ غايەت زور بۇلاڭ-تالاڭ لىنىيەسى قۇرۇپ چىقتى
- ئۇيغۇرلارنىڭ مۇجادىلىسى تەسۋىرلەنگەن تىياتىر تۈركىيەدە كۈچلۈك ئالقىشقا ئېرىشمەكتە
- خىتاي ئۇيغۇرلارنى سۈرگۈن قىلىپ، خىتاي ئاققۇنلىرىنى يۆتكەپ كەلمەكتە
ئۈرۈمچىدە غايەت زور تەبىئىي گاز زاپىسى بايقالدى
خىتاي ئىشغالىيەت ئاستىدىكى شەرقىي تۈركىستاننىڭ تەبىئىي بايلىقىنى بۇلاڭ-تالاڭ قىلىش، چارلاپ تەكشۈرۈش دائىرىسىنى بارغانسېرى كۈچەيتىۋاتقان بولۇپ، يېقىندا ئۈرۈمچىدە يەنە غايەت زور تەبىئىي گاز زاپىسى بايقالغان.
ئاتالمىش «ئۇيغۇر ئاپتونوم رايونلۇق» گېئولوگىيە ئىدارىسىنىڭ ئېلان قىلىشىچە، يېقىندا ئۈرۈمچىنىڭ داۋانچىڭ رايونىدا تەبىئىي گاز گېئولوگىيەلىك بايلىق زاپىسى 200 مىليارد كۇب مېتىردىن ئاشىدىغان رايون بايقالغان بولۇپ، بۇ جاينىڭ چوڭ تىپتىكى تەبىئىي گاز ۋە نېفىتلىك شەكىللەندۈرۈش يوشۇرۇن كۈچىگە ئىگە ئىكەنلىكى بىلدۈرۈلگەن.
مەلۇم بولۇشىچە، يېقىنقى يىللاردىن بۇيان خىتاي داۋانچىڭ رايونىدا نېفىت ۋە تەبىئىي گازنى تەكشۈرۈشنى تېخىمۇ تېزلىتىپ، يەتتە بۆلەكتە 15 تەكشۈرۈش قۇدۇقى بۇرغىلاشقا باشلىغان ۋە بۇنىڭ ئىچىدىكى 11 قۇدۇق بۇرغىلىنىپ بولغان.
نۆۋەتتە خىتاي رېجىمى مەزكۇر رايوننى خىتاي شىركەتلىرىگە ھۆددىگە بېرىش ئېلانى چىقىرىپ بولغان. خەۋەردە مەزكۇر رايوندىكى تەبىئىي گاز گېئولوگىيەلىك بايلىق زاپىسىنىڭ 200 مىليارد كۇب مېتىرغا يېتىشى مۆلچەرلىنىۋاتقانلىقى، ئەگەر تەرەققىي قىلدۇرۇلسا، ئۈرۈمچى ۋە ئۇنىڭ ئەتراپىدىكى رايونلارنىڭ گاز بىلەن تەمىنلەش بېسىمىنى كەم دېگەندە 20 يىل يېنىكلىتەلەيدىغانلىقى قەيت قىلىنغان.
خىتاي ئىشغالىيەت تارىخىدىن بۇيان شەرقىي تۈركىستاننىڭ تەبىئىي گاز، نېفىت قاتارلىق بايلىقلىرىنى توختاۋسىز بۇلاڭ-تالاڭ قىلىش بىلەن بىرگە، بۇ جىنايەتلىرىنى ئۇتۇق، نەتىجە سۈپىتىدە تەشۋىق قىلىپ كەلمەكتە. خىتاي ھازىرغا قەدەر ئاتالمىش «غەربنىڭ گازىنى شەرققە يەتكۈزۈش» لىنىيەسىنى تۆتكە يەتكۈزگەن بولۇپ، شەرقىي تۈركىستاننىڭ تالان-تاراج قىلىنغان بايلىقلىرىنى خىتايغا توشۇيدىغان بۇ تۇرۇبا تورى سىستېمىسىنىڭ ئومۇمىي ئۇزۇنلۇقى 20 مىڭ كىلومېتىردىن ئېشىپ كەتكەن.